ਲੌਕ ਡਾਊਨ ਦੌਰਾਨ ਲੋੜਵੰਦਾਂ ਨੂੰ ਖਾਣਾ ਮੁਹੱਈਆ ਕਰਾਉਣ ਵਾਲੇ ਸੇਵਾਦਾਰਾਂ ਦਾ ਦਿੱਲੀ ਪੁਲਿਸ ਨੇ ਸਨਮਾਨ ਕੀਤਾ

114
ਝੰਡੇਲਾਵਾਨ ਮੰਦਿਰ ਦੇ ਸੇਵਾਦਾਰਾਂ ਦਾ ਸਨਮਾਨ ਕੀਤੇ ਜਾਣ ਦੌਰਾਨ ਸਮਾਜਿਕ ਦੂਰੀ ਦੀ ਪਾਲਣਾ ਕੀਤੀ ਗਈ

ਆਲਮੀ ਮਹਾਂਮਾਰੀ ਨੋਵੇਲ ਕੋਰੋਨਾ ਵਾਇਰਸ (ਕੋਵਿਡ 19) ਵਾਇਰਸ ਅਤੇ ਲੌਕ ਡਾਊਨ ਵਿਚਾਲੇ ਦਿੱਲੀ ਪੁਲਿਸ ਨੇ ਝੰਡੇਵਾਲਾਨ ਮੰਦਿਰ ਦੇ ਸੇਵਾਦਾਰਾਂ ਨੂੰ ਬੇਰੁਜ਼ਗਾਰਾਂ ਅਤੇ ਲੋੜਵੰਦਾਂ ਨੂੰ ਭੋਜਨ ਮੁਹੱਈਆ ਕਰਾਉਣ ਅਤੇ ਮਨੁੱਖੀ ਸਹਾਇਤਾ ਲਈ ਸਨਮਾਨਿਤ ਕੀਤਾ ਹੈ। ਮੱਧ ਦਿੱਲੀ ਦੇ ਕਰੋਲ ਬਾਗ ਨੇੜੇ ਸਥਿਤ, ਇਸ ਮੰਦਰ ਦੇ ਸੇਵਾਦਾਰ ਰੋਜ਼ਾਨਾ 35 ਹਜ਼ਾਰ ਪੈਕੇਟ ਭੋਜਨ ਦੀ ਵੰਡ ਦਿੱਲੀ ਪੁਲਿਸ ਦੀ ਸਹਾਇਤਾ ਨਾਲ ਕਰ ਰਹੇ ਹਨ। ਕੋਵਿਡ 19 ਸੰਕਟ ਦੇ ਵਿਚਾਲੇ ਇਨ੍ਹਾਂ ਸੇਵਾਦਾਰ ਹੁਣ ਤੱਕ ਖਾਣੇ ਦੇ 18 ਲੱਖ ਪੈਕੇਟ ਵੰਡ ਚੁੱਕੇ ਹਨ।

ਕੋਰੋਨਾ ਸਹੁੰ ਚੁੱਕ ਸਮਾਗਮ ਦੀ ਝਲਕ

ਕੇਂਦਰੀ ਦਿੱਲੀ ਜ਼ਿਲ੍ਹਾ ਪੁਲਿਸ ਦੇ ਡਿਪਟੀ ਕਮਿਸ਼ਨਰ ਸੰਜੇ ਭਾਟੀਆ ਨੇ ਇੱਕ ਟ੍ਵੀਟ ਰਾਹੀਂ ਇਹ ਜਾਣਕਾਰੀ ਦਿੱਤੀ ਹੈ। ਉਨ੍ਹਾਂ ਨੇ ਸ਼ਨੀਵਾਰ ਨੂੰ ਝੰਡੇਵਾਲਾਨ ਮੰਦਿਰ ਕੰਪਲੈਕਸ ਦੇ ਬਾਹਰ ਸੜਕ ‘ਤੇ ਕਰਵਾਏ ਗਏ ਸਨਮਾਨ ਸਮਾਗਮ ਦੀਆਂ ਤਸਵੀਰਾਂ ਵੀ ਟ੍ਵੀਟ ਕੀਤੀਆਂ। ਸਮਾਜਿਕ ਦੂਰੀ ਦੇ ਨਿਯਮਾਂ ਦੀ ਪਾਲਣਾ ਕਰਦਿਆਂ ਸੇਵਾਦਾਰਾਂ ਅਤੇ ਪੁਲਿਸ ਮੁਲਾਜ਼ਮਾਂ ਨੇ ਪ੍ਰੋਗਰਾਮ ਵਿੱਚ ਹਿੱਸਾ ਲਿਆ, ਜਿਸ ਵਿੱਚ ਇਨ੍ਹਾਂ ਸੇਵਾਦਾਰਾਂ ਨੂੰ ਪੁਲਿਸ ਦੇ ਸੀਨੀਅਰ ਅਧਿਕਾਰੀਆਂ ਵੱਲੋਂ ਸ਼ਲਾਘਾ ਸਰਟੀਫਿਕੇਟ ਦਿੱਤੇ ਗਏ. ਇਸ ਦੇ ਲਈ ਸੜਕ ਦੇ ਖੁੱਲ੍ਹੇ ਵਿੱਚ ਟੈਂਟ ਲਗਾ ਕੇ ਇੱਕ ਮੰਚ ਬਣਾਇਆ ਗਿਆ ਸੀ। ਪ੍ਰੋਗਰਾਮ ਦੌਰਾਨ ਸੇਵਾਦਾਰ ਕਾਫ਼ੀ ਦੂਰੀ ਬਣਾ ਕੇ ਸੜਕ ‘ਤੇ ਦੋ ਕਤਾਰਾਂ ਵਿੱਚ ਅਨੁਸ਼ਾਸਿਤ ਢੰਗ ਨਾਲ ਖੜੇ ਰਹੇ। ਇਸ ਮੌਕੇ ਮੌਜੂਦ ਸਾਰੇ ਲੋਕਾਂ ਨੇ ਕੋਰੋਨਾ ਸਹੁੰ ਵੀ ਚੁੱਕੀ।

ਝੰਡੇਲਾਵਾਨ ਮੰਦਿਰ ਦੇ ਸੇਵਾਦਾਰਾਂ ਨੂੰ ਗੱਡੀਆਂ ‘ਤੇ ਮਾਰਚ ਪਾਸਟ ਕਰਦੇ ਦਿੱਲੀ ਪੁਲਿਸ ਦੇ ਮੁਲਾਜ਼ਮ

ਦਿੱਲੀ ਪੁਲਿਸ ਦੇ ਕਮਿਸ਼ਨਰ ਐੱਸ ਐੱਨ ਸ੍ਰੀਵਾਸਤਵ ਨੇ ਟ੍ਵੀਟ ਕਰਕੇ ਝਾਂਡੇਵਾਲਾਨ ਮੰਦਿਰ ਦੇ ਪ੍ਰਬੰਧਕਾਂ ਅਤੇ ਸੇਵਾਦਾਰਾਂ ਵੱਲੋਂ ਕੋਵਿਡ 19 ਸੰਕਟ ਦੌਰਾਨ ਖਾਣੇ ਦੀ ਵੰਡ ਦੇ ਕੰਮ ਦੀ ਸ਼ਲਾਘਾ ਕੀਤੀ। ਪੁਲਿਸ ਕਮਿਸ਼ਨਰ ਨੇ ਲਿਖਿਆ, “ਕਰੋੜਾਂ ਲੋਕਾਂ ਦੀ ਆਸਥਾ ਰੱਖਣ ਵਾਲੇ ਝੰਡੇਵਾਲਾਨ ਮਾਤਾ ਮੰਦਿਰ ਦਾ ਸ਼ਿਸ਼ਟਾਚਾਰ, ਲੱਖਾਂ ਬੇਰੁਜ਼ਗਾਰਾਂ ਅਤੇ ਲੋੜਵੰਦਾਂ ਨੂੰ ਇਸ ਮਹਾਂਮਾਰੀ ਦੇ ਸਮੇਂ ਭੋਜਨ ਅਤੇ ਹੋਰ ਰਾਹਤ ਦੀਆਂ ਚੀਜ਼ਾਂ ਮੁਹੱਈਆ ਕਰਵਾਈਆਂ ਗਈਆਂ। ਅਸੀਂ ਤੁਹਾਡਾ ਸਨਮਾਨ ਕਰਦੇ ਹਾਂ”।