ਦਿੱਲੀ ਪੁਲਿਸ ਤੋਂ ਸਹਾਇਕ ਪੁਲਿਸ ਕਮਿਸ਼ਨਰ ਵਜੋਂ ਸੇਵਾਮੁਕਤ ਹੋਏ ਬਲਦੇਵ ਰਾਜ ਦੱਤਾ ਨੇ ਆਪਣਾ 103ਵਾਂ ਜਨਮਦਿਨ ਆਪਣੇ ਦੋਸਤਾਂ ਅਤੇ ਪਰਿਵਾਰ ਵੱਲੋਂ ਸ਼ਾਨਦਾਰ ਢੰਗ ਨਾਲ ਮਨਾਇਆ। ਬਹੁਤ ਘੱਟ ਲੋਕ ਜਾਣਦੇ ਹਨ ਕਿ ਬਲਦੇਵ ਰਾਜ ਦਿੱਲੀ ਪੁਲਿਸ ਵਿੱਚ ਆਉਣ ਤੋਂ ਪਹਿਲਾਂ ਭਾਰਤੀ ਫੌਜ ਵਿੱਚ ਸਨ ਅਤੇ ਦੂਜੇ ਸੰਸਾਰ ਜੰਗ ਵਿੱਚ ਵੀ ਹਿੱਸਾ ਲੈ ਚੁੱਕੇ ਹਨ। ਇੱਕ ਸਦੀ ਦੀ ਉਮਰ ਦੇ ਇਸ ਪੜਾਅ ‘ਤੇ ਵੀ ਉਨ੍ਹਾਂ ਦਾ ਜਜ਼ਬਾ ਸ਼ਲਾਘਾਯੋਗ ਹੈ। ਮੌਜੂਦਾ ਸਮੇਂ ਦੌਰਾਨ ਸੇਵਾਮੁਕਤ ਏਸੀਪੀ ਬਲਦੇਵ ਰਾਜ ਦੱਤਾ ਦੀ ਸੁਣਨ ਸ਼ਕਤੀ ਵਿੱਚ ਕਮੀ ਜਾਂ ਉਮਰ ਕਰਕੇ ਕੁੱਝ ਸਮੱਸਿਆਵਾਂ ਨੂੰ ਛੱਡ ਦਈਏ ਤਾਂ ਆਮ ਤੌਰ ਉਹ ‘ਤੇ ਸਿਹਤਮੰਦ ਹਨ।
ਦੱਖਣੀ ਦਿੱਲੀ ਦੇ ਪੰਚਸ਼ੀਲ ਐਨਕਲੇਵ ਵਿੱਚ ਆਪਣੇ ਵਕੀਲ ਪੁੱਤਰਾਂ ਨਾਲ ਰਹਿ ਰਹੇ ਬਲਦੇਵ ਰਾਜ ਦੱਤਾ ਨੂੰ ਅੱਜ ਸ਼ਾਮ ਦਿੱਲੀ ਪੁਲਿਸ ਰਿਟਾਇਰਡ ਗਜਿਟਿਡ ਆਫੀਸਰਜ਼ ਐਸੋਸੀਏਸ਼ਨ (ਡੀਪੀਆਰਗੋਆ), ਸੇਵਾਮੁਕਤ ਏਸੀਪੀ ਵਿਜੇ ਮਲਿਕ ਅਤੇ ਜੈਪਾਲ ਸਿੰਘ ਦੇ ਨੁਮਾਇੰਦਿਆਂ ਨੇ ਵਧਾਈ ਦਿੱਤੀ। ਪਰਿਵਾਰ ਦੇ ਨਾਲ-ਨਾਲ ਅਫਸਰਾਂ ਲਈ ਵੀ ਇਹ ਸੱਚਮੁੱਚ ਭਾਵੁਕ ਪਲ ਸੀ, ਕਿਉਂਕਿ ਉਸਦੇ ਪੁਲਿਸ ਜੀਵਨ ਦੀਆਂ ਕਈ ਪੁਰਾਣੀਆਂ ਯਾਦਾਂ ਤਾਜ਼ਾ ਹੋ ਗਈਆਂ।
ਬਲਦੇਵ ਰਾਜ ਦਾ ਜਨਮ 23 ਦਸੰਬਰ 1920 ਨੂੰ ਮੁਲਤਾਨ ਵਿੱਚ ਹੋਇਆ ਸੀ। ਇਹ ਇਲਾਕਾ ਹੁਣ ਪਾਕਿਸਤਾਨ ਵਿੱਚ ਹੈ। ਬਲਦੇਵ ਰਾਜ ਦੱਤਾ ਰਾਇਲ ਬ੍ਰਿਟਿਸ਼ ਇੰਡੀਅਨ ਆਰਮੀ ਵਿੱਚ ਇੱਕ ਸੂਬੇਦਾਰ ਵਜੋਂ ਸ਼ਾਮਲ ਹੋਏ ਅਤੇ ਦੂਜੀ ਸੰਸਾਰ ਜੰਗ ਵਿੱਚ ਹਿੱਸਾ ਲਿਆ। ਉਨ੍ਹਾਂ ਨੂੰ 1942 ਅਤੇ 1943 ਵਿੱਚ ਦੋ ਹਵਾਲੇ ਮਿਲੇ, ਜਿਨ੍ਹਾਂ ਦਾ ਲੰਡਨ ਗਜ਼ਟ ਵਿੱਚ ਜ਼ਿਕਰ ਹੈ।
ਭਾਰਤ ਦੀ ਵੰਡ ਨਾਲ ਜਦੋਂ 1947 ਵਿੱਚ ਪਾਕਿਸਤਾਨ ਹੋਂਦ ਵਿੱਚ ਆਇਆ ਤਾਂ ਬਲਦੇਵ ਰਾਜ ਦੱਤਾ ਦੇ ਪਰਿਵਾਰ ਨੂੰ ਮੁਲਤਾਨ ਛੱਡਣਾ ਪਿਆ। ਉਨ੍ਹਾਂ ਦਾ ਪਰਿਵਾਰ ਦਿੱਲੀ ਚਲਾ ਗਿਆ ਅਤੇ ਬਲਦੇਵ ਰਾਜ ਨੇ ਫੌਜ ਛੱਡ ਦਿੱਤੀ। ਉਹ ਦਿੱਲੀ ਪੁਲਿਸ ਵਿੱਚ ਭਰਤੀ ਹੋ ਗਏ ਜਿੱਥੇ ਉਨ੍ਹਾਂ ਨੇ 1979 ਤੱਕ ਸੇਵਾ ਕੀਤੀ। ਦਿੱਲੀ ਪੁਲਿਸ ਤੋਂ ਬਲਦੇਵ ਰਾਜ ਦਾ ਕਰਿਅਰ ਇੱਕ ਸਫਲ ਪੁਲਿਸ ਮੁਲਾਜ਼ਮ ਦਾ ਸੀ ਅਤੇ ਉਹ ਏਸੀਪੀ ਵਜੋਂ ਸੇਵਾਮੁਕਤ ਹੋਏ ਸਨ। ਉਹ ਕਈ ਸਾਲਾਂ ਤੱਕ ਤਤਕਾਲੀ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਦੇ ਨਿੱਜੀ ਸੁਰੱਖਿਆ ਅਧਿਕਾਰੀ (PSO) ਵੀ ਰਹੇ।
