ਇਹ ਖ਼ਬਰ ਭਾਰਤੀ ਫੌਜ ਨਾਲ ਜੁੜੀ ਉਸ ਸੰਸਥਾ ਦੀ ਹੈ, ਜੋ ਕਿ ਬਿਨਾਂ ਹਥਿਆਰਾਂ ਦੇ ਭਾਰਤ ਦੀਆਂ ਸਰਹੱਦਾਂ ਦੀ ਰਾਖੀ ਵਿੱਚ ਅਹਿਮ ਭੂਮਿਕਾ ਅਦਾ ਕਰਦੀ ਹੈ, ਜਿੰਨਾ ਜ਼ਮੀਨੀ, ਸਮੁੰਦਰੀ ਅਤੇ ਹਵਾਈ ਫੌਜੀ ਦੁਸ਼ਮਣ ਨਾਲ ਲੜ ਰਹੇ ਹਨ। ਇਹ ਬਾਰਡਰ ਰੋਡ ਆਰਗੇਨਾਈਜ਼ੇਸ਼ਨ (ਬੀਆਰਓ) ਹੈ ਜਿਸ ਦੇ ਮੁਲਾਜ਼ਮਾਂ ਨੇ ਸਰਹੱਦੀ ਖੇਤਰਾਂ ਵਿੱਚ ਜਾਂ ਇੰਝ ਕਹਿ ਲਈਏ ਕਿ ਰਣਨੀਤਕ ਅਹਿਮੀਅਤ ਵਾਲੇ ਖੇਤਰਾਂ ਵਿੱਚ ਸਾਰੀ ਤਰ੍ਹਾਂ ਦੀਆਂ ਚੁਣੌਤੀਆਂ ਦੇ ਬਾਵਜੂਦ ਹਾਲ ਹੀ ਵਿੱਚ 6 ਪੁਲਾਂ ਦਾ ਨਿਰਮਾਣ ਪੂਰਾ ਕੀਤਾ ਹੈ। ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਇਨ੍ਹਾਂ ਪੁਲਾਂ ਦਾ ਉਦਘਾਟਨ ਕੀਤਾ। ਇਸਨੂੰ ਸੰਵੇਦਨਸ਼ੀਲ ਸਰਹੱਦੀ ਖੇਤਰਾਂ ਵਿੱਚ ਸੜਕਾਂ ਅਤੇ ਪੁਲਾਂ ਦੀ ਸੰਪਰਕ ਵਿੱਚ ਇੱਕ ਨਵੇਂ ਇਨਕਲਾਬ ਦੀ ਸ਼ੁਰੂਆਤ ਕਿਹਾ ਜਾ ਸਕਦਾ ਹੈ।
ਜੰਮੂ-ਕਸ਼ਮੀਰ ਵਿੱਚ ਅੰਤਰਰਾਸ਼ਟਰੀ ਸਰਹੱਦ (ਆਈਬੀ) ਅਤੇ ਕੰਟਰੋਲ ਰੇਖਾ (ਐੱਲਓਸੀ) ਦੇ ਨੇੜੇ ਇਨ੍ਹਾਂ ਪੁਲਾਂ ਨੂੰ ਨਾ ਸਿਰਫ਼ ਖਤਰਨਾਕ ਇਲਾਕਿਆਂ ਵਿੱਚ ਬੇਹੱਦ ਖਰਾਬ ਮੌਸਮ ਦੇ ਬਾਵਜੂਦ ਬਣਾਉਣ ਦੀ ਸਥਾਈ ਚੁਣੌਤੀ ਬਲਕਿ ਅੱਤਵਾਦ ਅਤੇ ਕੋਵਿਡ 19 ਵਰਗੇ ਵਿਸ਼ਵਵਿਆਪੀ ਮਹਾਮਾਰੀ ਦੇ ਨਵੀਂ ਚੁਣੌਤੀ ਦਾ ਵੀ ਸਾਹਮਣਾ ਕਰਨਾ ਪੈ ਰਿਹੈ। ਇੰਨਾ ਹੀ ਨਹੀਂ ਸਾਰੀਆਂ ਸਮੱਸਿਆਵਾਂ ਅਤੇ ਖਤਰਿਆਂ ਦਾ ਸਾਹਮਣਾ ਕਰਦਿਆਂ ਬੀਆਰਓ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੇ ਇਨ੍ਹਾਂ ਪੁਲਾਂ ਦਾ ਨਿਰਮਾਣ ਕਾਰਜ ਰਿਕਾਰਡ ਸਮੇਂ ਵਿੱਚ ਪੂਰਾ ਕੀਤਾ।
ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਨਵੀਂ ਦਿੱਲੀ ਵਿੱਚ ਵੀਡੀਓ ਕਾਨਫਰੰਸਿੰਗ ਰਾਹੀਂ ਦੇਸ਼ ਨੂੰ ਛੇ ਵੱਡੇ ਪੁਲਾਂ ਨੂੰ ਸਮਰਪਿਤ ਕੀਤਾ। ਇਸ ਕੰਮ ਲਈ ਬੀਆਰਓ ਦੇ ਸਾਰੇ ਯੋਧਿਆਂ ਨੂੰ ਵਧਾਈ ਦਿੱਤੀ। ਉਨ੍ਹਾਂ ਕਿਹਾ ਕਿ ਸੜਕਾਂ ਅਤੇ ਪੁਲ ਕਿਸੇ ਵੀ ਕੌਮ ਦੀ ਜੀਵਨ ਰੇਖਾ ਹੁੰਦੇ ਹਨ ਅਤੇ ਇਸ ਨਾਲ ਉਹ ਦੂਰ-ਦੁਰਾਡੇ ਦੇ ਇਲਾਕਿਆਂ ਦੇ ਸਮਾਜਿਕ-ਆਰਥਿਕ ਵਿਕਾਸ ਵਿੱਚ ਅਹਿਮ ਭੂਮਿਕਾ ਅਦਾ ਕਰਦੇ ਹਨ। ਉਨ੍ਹਾਂ ਕਿਹਾ, ‘ਇਹ ਅਜਿਹੇ ਸਮੇਂ ਵਿੱਚ ਲੋਕਾਂ ਨੂੰ ਜੋੜਨ ਵਾਲੇ ਇਨ੍ਹਾਂ ਪੁਲਾਂ ਦਾ ਉਦਘਾਟਨ ਕਰਨਾ ਬਹੁਤ ਹੀ ਸੁਹਾਵਣਾ ਤਜ਼ੁਰਬਾ ਹੈ ਜਦੋਂ ਸਾਰੀ ਦੁਨੀਆ ਇੱਕ ਦੂਜੇ ਤੋਂ ਵੱਖ ਹੋਣ ਕਰਕੇ (ਕੋਵਿਡ-19) ਸਮਾਜਿਕ ਦੂਰੀ ਬਣਾਈ ਰੱਖਣ ‘ਤੇ ਵਿਸ਼ੇਸ਼ ਜ਼ੋਰ ਦੇ ਰਹੀ ਹੈ। ਮੈਂ ਇਸ ਮਹੱਤਵਪੂਰਣ ਕਾਰਜ ਨੂੰ ਬਹੁਤ ਯੋਗਤਾ ਨਾਲ ਪੂਰਾ ਕਰਨ ਲਈ ਬੀਆਰਓ ਨੂੰ ਵਧਾਈ ਦਿੰਦਾ ਹਾਂ।
ਰੱਖਿਆ ਮੰਤਰੀ ਨੇ ਬੀ.ਆਰ.ਓ. ਦੀ ਸ਼ਲਾਘਾ ਕਰਦਿਆਂ ਕਿਹਾ, “ਬੀ.ਆਰ.ਓ. ਵਲੋਂ ਪੂਰੀ ਵਚਨਬੱਧਤਾ ਨਾਲ ਦੇਸ਼ ਦੇ ਸਰਹੱਦੀ ਇਲਾਕਿਆਂ ਵਿੱਚ ਸੜਕਾਂ ਅਤੇ ਪੁਲਾਂ ਦਾ ਨਿਰਮਾਣ ਨਿਰੰਤਰ ਦੂਰ ਦੁਰਾਡੇ ਦੇ ਇਲਾਕਿਆਂ ਵਿੱਚ ਪਹੁੰਚ ਯਕੀਨੀ ਬਣਾਉਣ ਦੇ ਸਰਕਾਰ ਦੇ ਦ੍ਰਿਸ਼ਟੀਕੋਣ ਨੂੰ ਸਾਕਾਰ ਕਰਨ ਵਿੱਚ ਸਹਾਇਤਾ ਕਰੇਗਾ। ਸੜਕਾਂ ਕਿਸੇ ਵੀ ਕੌਮ ਦੀ ਜੀਵਨ ਰੇਖਾ ਹੁੰਦੀਆਂ ਹਨ। ਉਨ੍ਹਾਂ ਕਿਹਾ ਕਿ ਸਰਹੱਦੀ ਖੇਤਰਾਂ ਦੀਆਂ ਸੜਕਾਂ ਨਾ ਸਿਰਫ਼ ਇੱਕ ਰਣਨੀਤਕ ਤਾਕਤ ਹੁੰਦੀਆਂ ਹਨ, ਬਲਕਿ ਇਹ ਦੂਰ ਦੁਰਾਡੇ ਦੇ ਇਲਾਕਿਆਂ ਨੂੰ ਮੁੱਖ ਧਾਰਾ ਨਾਲ ਜੋੜਨ ਦਾ ਕੰਮ ਵੀ ਕਰਦੀਆਂ ਹਨ। ਦਰਅਸਲ, ਭਾਵੇਂ ਇਹ ਹਥਿਆਰਬੰਦ ਫੌਜਾਂ ਦੀ ਰਣਨੀਤਕ ਜ਼ਰੂਰਤ ਹੈ ਜਾਂ ਸਿਹਤ, ਸਿੱਖਿਆ, ਵਪਾਰ ਨਾਲ ਜੁੜੇ ਹੋਰ ਵਿਕਾਸ ਕਾਰਜ, ਇਹ ਸਭ ਸਿਰਫ਼ ਸੰਪਰਕ ਦੇ ਜ਼ਰੀਏ ਹੀ ਸੰਭਵ ਹਨ।
ਬੀਆਰਓ ਦੀ ਉਪਲਬਧੀਆਂ:
ਪਿਛਲੇ ਦੋ ਸਾਲਾਂ ਵਿੱਚ ਨਵੀਆਂ ਤਕਨੀਕਾਂ ਅਤੇ ਆਧੁਨਿਕ ਉਪਕਰਣਾਂ ਦੀ ਵਰਤੋਂ ਕਰਦਿਆਂ ਬੀਆਰਓ ਨੇ 2,200 ਕਿੱਲੋਮੀਟਰ ਤੋਂ ਵੱਧ ਦੀ ਕਟਾਈ ਕੀਤੀ ਹੈ, ਲਗਭਗ 4,200 ਕਿੱਲੋਮੀਟਰ ਸੜਕਾਂ ਦੀ ਵਿਲੱਖਣ ਓਵਰਹੈੱਡ ਸਤਹ ਤਿਆਰ ਕੀਤੀ ਹੈ ਅਤੇ 5,800 ਮੀਟਰ ਦੇ ਸਥਾਈ ਪੁਲਾਂ ਦਾ ਨਿਰਮਾਣ ਕੀਤਾ ਹੈ।
ਕਠੂਆ ਜ਼ਿਲ੍ਹੇ ਦੇ ਤਰਨਾਹ ਨਾਲੇ ‘ਤੇ ਦੋ ਪੁਲ ਅਤੇ ਅਖਨੂਰ / ਜੰਮੂ ਜ਼ਿਲ੍ਹੇ ਵਿੱਚ ਅਖਨੂਰ-ਪੱਲਾਂਵਾਲਾ ਸੜਕ ‘ਤੇ ਚਾਰ ਪੁਲ 30 ਤੋਂ 300 ਮੀਟਰ ਵਿੱਚ ਫੈਲੇ ਹੋਏ ਹਨ ਅਤੇ ਇਨ੍ਹਾਂ ਦਾ ਕੁੱਲ 43 ਕਰੋੜ ਰੁਪਏ ਦੀ ਲਾਗਤ ਨਾਲ ਨਿਰਮਾਣ ਕੀਤਾ ਗਿਆ ਹੈ। ਬੀ.ਆਰ.ਓ. ਦੇ ‘ਪ੍ਰੋਜੈਕਟ ਸੰਪਰਕ’ ਤਹਿਤ ਬਣੇ ਇਹ ਪੁਲ, ਹਥਿਆਰਬੰਦ ਫੌਜਾਂ ਨੂੰ ਰਣਨੀਤਕ ਤੌਰ ‘ਤੇ ਅਹਿਮ ਖਿੱਤੇ ਵਿੱਚ ਜਾਣ ਲਈ ਬਹੁਤ ਸਹੂਲਤ ਪ੍ਰਦਾਨ ਕਰਨਗੀਆਂ। ਇਨ੍ਹਾਂ ਪੁਲਾਂ ਰਾਹੀਂ ਦੂਰ-ਦੁਰਾਡੇ ਦੇ ਸਰਹੱਦੀ ਖੇਤਰਾਂ ਦੇ ਸਰਵਪੱਖੀ ਆਰਥਿਕ ਵਿਕਾਸ ਵਿੱਚ ਵੀ ਯੋਗਦਾਨ ਪਾਉਣਗੇ।
ਬੀਆਰਓ ਦਾ ਬਜਟ ਵਧਿਆ:
ਇਹ ਸਪੱਸ਼ਟ ਹੈ ਕਿ ਪਿਛਲੇ ਕੁਝ ਸਾਲਾਂ ਵਿੱਚ ਬੀ.ਆਰ.ਓ. ਦਾ ਕੰਮ ਕਾਫੀ ਤੇਜੀ ਨਾਲ ਵਧਿਆ ਹੈ। ਇਹ ਇਸ ਤੱਥ ਤੋਂ ਸਪੱਸ਼ਟ ਹੈ ਕਿ ਬੀਆਰਓ ਨੇ ਵਿੱਤੀ ਵਿੱਤੀ ਸਾਲ 2018-19 ਦੇ ਮੁਕਾਬਲੇ ਵਿੱਤੀ ਸਾਲ 2019-20 ਵਿੱਚ 30 ਪ੍ਰਤੀਸ਼ਤ ਤੋਂ ਵੱਧ ਕੰਮ ਮੁਕੰਮਲ ਕੀਤੇ ਸਨ। ਇਸਦਾ ਸਿਹਰਾ ਲੋੜੀਂਦੇ ਬਜਟ ਸਹਾਇਤਾ ਅਤੇ ਢਾਂਚਾਗਤ ਸੁਧਾਰਾਂ ਦੇ ਸਕਾਰਾਤਮਕ ਪ੍ਰਭਾਵਾਂ ਵੱਲ ਜਾਂਦਾ ਹੈ, ਜਦੋਂ ਕਿ ਬੀ.ਆਰ.ਓ ਦੇ ਹਿੱਸੇ ‘ਤੇ ਪੂਰਾ ਧਿਆਨ ਕੇਂਦ੍ਰਿਤ ਕਰਕੇ ਸਮਰਪਿਤ ਕੋਸ਼ਿਸ਼ ਇੱਕ ਪ੍ਰੈਸ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਬੀ.ਆਰ.ਓ. ਦਾ ਸਾਲਾਨਾ ਬਜਟ ਵਿੱਤੀ ਵਰ੍ਹੇ 2008-2016 ਦੌਰਾਨ 3,300 ਕਰੋੜ ਰੁਪਏ ਤੋਂ 4,600 ਕਰੋੜ ਰੁਪਏ ਵਿੱਚ ਬਦਲ ਗਿਆ ਸੀ, ਪਰ ਇਹ ਵਿੱਤੀ ਸਾਲ 2019-2020 ਵਿੱਚ 8,050 ਕਰੋੜ ਰੁਪਏ ਦੇ ਉੱਚ ਪੱਧਰ ’ਤੇ ਪਹੁੰਚ ਗਿਆ। ਸਰਹੱਦੀ ਇਲਾਕਿਆਂ ਵਿੱਚ ਬੁਨਿਆਦੀ ਢਾਂਚਾਗਤ ਸਹੂਲਤਾਂ ਵਿੱਚ ਸੁਧਾਰ ਲਿਆਉਣ ਉੱਤੇ ਸਰਕਾਰ ਦੇ ਧਿਆਨ ਦੇ ਮੱਦੇਨਜ਼ਰ ਇਸ ਦੇ ਬਜਟ ਵਿੱਤੀ ਸਾਲ 2020-221 ਵਿੱਚ 11,800 ਕਰੋੜ ਰੁਪਏ ਹੋਣ ਦੀ ਸੰਭਾਵਨਾ ਹੈ।
ਇਸ ਮੌਕੇ ਬੀਆਰਓ ਦੇ ਡਾਇਰੈਕਟਰ ਜਨਰਲ ਲੈਫਟੀਨੈਂਟ ਜਨਰਲ ਹਰਪਾਲ ਸਿੰਘ ਨੇ ਰਾਸ਼ਟਰ ਨਿਰਮਾਣ ਵਿੱਚ ਬੀਆਰਓ ਦੇ ਯੋਗਦਾਨ ਨੂੰ ਦਰਸਾਉਂਦਿਆਂ ਰੱਖਿਆ ਮੰਤਰੀ ਦੀ ਨਿਰੰਤਰ ਅਗਵਾਈ ਅਤੇ ਸਹਿਯੋਗ ਲਈ ਧੰਨਵਾਦ ਕੀਤਾ। ਉਨ੍ਹਾਂ ਭਰੋਸਾ ਜਤਾਇਆ ਕਿ ਬੀ.ਆਰ.ਓ. ਸਰਕਾਰ ਵਲੋਂ ਨਿਰਧਾਰਤ ਕੀਤੇ ਗਏ ਸਾਡੇ ਸਮੁੱਚੇ ਰਾਸ਼ਟਰੀ ਰਣਨੀਤਕ ਉਦੇਸ਼ਾਂ ਨਾਲ ਪ੍ਰਾਪਤ ਟੀਚਿਆਂ ਦੀ ਪ੍ਰਾਪਤੀ ਲਈ ਆਪਣੀਆਂ ਕੋਸ਼ਿਸ਼ਾਂ ਜਾਰੀ ਰੱਖੇਗੀ। ਇਸ ਮੌਕੇ ਆਰਮੀ ਚੀਫ ਜਨਰਲ ਐੱਮ ਐੱਮ ਨਰਵਾਣੇ, ਰੱਖਿਆ ਸਕੱਤਰ ਡਾ: ਅਜੈ ਕੁਮਾਰ ਅਤੇ ਬੀਆਰਓ ਦੇ ਡਾਇਰੈਕਟਰ ਜਨਰਲ ਲੈਫਟੀਨੈਂਟ ਜਨਰਲ ਹਰਪਾਲ ਸਿੰਘ ਅਤੇ ਸੈਨਾ ਅਤੇ ਸਿਵਲ ਪ੍ਰਸ਼ਾਸਨ ਦੇ ਸੀਨੀਅਰ ਅਧਿਕਾਰੀ ਮੌਜੂਦ ਸਨ।
