ਭਾਰਤੀ ਫੌਜ ਦੀ ਕੈਪਟਨ ਗੀਤਿਕਾ ਕੌਲ ਨੇ ਇਤਿਹਾਸ ਰਚ ਦਿੱਤਾ ਹੈ। ਦੁਨੀਆ ਦੇ ਸਭ ਤੋਂ ਉੱਚੇ ਜੰਗੀ ਮੈਦਾਨ ਸਿਆਚਿਨ ‘ਚ ਤਾਇਨਾਤ ਹੋਣ ਵਾਲੀ ਕੈਪਟਨ ਗੀਤਿਕਾ ਭਾਰਤੀ ਫੌਜ ਦੀ ਪਹਿਲੀ ਮਹਿਲਾ ਡਾਕਟਰ ਹੋਵੇਗੀ। ਭਾਰਤੀ ਫੌਜ ਦੀ ਫਾਇਰ ਐਂਡ ਫਿਊਰੀ ਕੋਰ ਨੇ ਮੰਗਲਵਾਰ ਨੂੰ ਸੋਸ਼ਲ ਮੀਡੀਆ ਪੋਸਟ ‘ਚ ਇਹ ਗੱਲ ਕਹੀ ਹੈ।
ਗੀਤਿਕਾ ਕੌਲ ਨੇ ਸਿਆਚਿਨ ਬੈਟਲ ਸਕੂਲ ਵਿੱਚ ਸਖ਼ਤ ਇੰਡਕਸ਼ਨ ਟ੍ਰੇਨਿੰਗ ਨੂੰ ਸਫਲਤਾਪੂਰਵਕ ਪੂਰਾ ਕਰਨ ਤੋਂ ਬਾਅਦ ਇਹ ਪ੍ਰਾਪਤੀ ਹਾਸਲ ਕੀਤੀ ਹੈ। ਸਿਖਲਾਈ ਵਿੱਚ ਉੱਚੀ ਉਚਾਈ ਲਈ ਅਨੁਕੂਲਤਾ, ਬਚਾਅ ਦੀਆਂ ਤਕਨੀਕਾਂ ਸਿੱਖਣ ਅਤੇ ਵਿਸ਼ੇਸ਼ ਡਾਕਟਰੀ ਪ੍ਰਕਿਰਿਆਵਾਂ ਸ਼ਾਮਲ ਹਨ।

ਫੌਜ ਦੇ ਫਾਇਰ ਐਂਡ ਫਿਊਰੀ ਕੋਰ ਨੇ ਸੋਸ਼ਲ ਮੀਡੀਆ ‘ਤੇ ਜਨਤਕ ਐਲਾਨ ਕੀਤਾ, ਫੌਜ ਦੇ ਅੰਦਰ ਲਿੰਗ ਸਮਾਨਤਾ ਨੂੰ ਉਤਸ਼ਾਹਿਤ ਕਰਨ ਲਈ ਕੈਪਟਨ ਕੂਲ ਦੀ ਤਾਇਨਾਤੀ ਦੀ ਮਹੱਤਤਾ ‘ਤੇ ਜ਼ੋਰ ਦਿੱਤਾ। ਫਾਇਰ ਐਂਡ ਫਿਊਰੀ ਕੋਰ ਨੇ ਇੱਕ ਐਕਸ (ਪਹਿਲਾਂ ਟਵਿਟਰ) ਕਿਹਾ ਕਿ ਸਨੋਅ ਲੈਪਰਡ ਬ੍ਰਿਗੇਡ ਦੀ ਕੈਪਟਨ ਗੀਤਿਕਾ ਕੌਲ ਸਿਆਚਿਨ ਬੈਟਨ ਸਕੂਲ ਵਿੱਚ ਕਾਮਯਾਬੀ ਦੇ ਨਾਲ ਇੰਡਕਸ਼ਨ ਟ੍ਰੇਨਿੰਗ ਪੂਰੀ ਕਰਨ ਦੇ ਬਾਅਦ ਦੁਨੀਆ ਦੇ ਸਭਤੋਂ ਉੱਚੇ ਜੰਗੀ ਖੇਤਰ ਸਿਆਚਿਨ ਵਿੱਚ ਤਾਇਨਾਤ ਹੋਣ ਵਾਲੀ ਭਾਰਤੀ ਫੌਜ ਦੇ ਉਹ ਪਹਿਲੇ ਮਹਿਲਾ ਮੈਡੀਕਲ ਅਫਸਰ ਬਣ ਗਏ ਹਨ।
ਸਿਆਚਿਨ, ਹਿਮਾਲਿਆ ਦੇ ਉੱਤਰੀ ਹਿੱਸੇ ਵਿੱਚ ਸਥਿਤ, ਨਾ ਸਿਰਫ਼ ਇਸਦੇ ਰਣਨੀਤਕ ਮਹੱਤਵ ਲਈ ਜਾਣਿਆ ਜਾਂਦਾ ਹੈ, ਸਗੋਂ ਇਸਦੇ ਪ੍ਰਤੀਕੂਲ ਮੌਸਮ ਅਤੇ ਚੁਣੌਤੀਪੂਰਨ ਖੇਤਰ ਲਈ ਵੀ ਜਾਣਿਆ ਜਾਂਦਾ ਹੈ। ਹਮੇਸ਼ਾ ਭਾਰੀ ਬਰਫ਼ ਨਾਲ ਢੱਕੇ ਰਹਿਣ ਵਾਲੇ ਇਸ ਖੇਤਰ ਵਿੱਚ ਮਈ ਅਤੇ ਜੂਨ ਵਿੱਚ ਵੀ ਤਾਪਮਾਨ ਮਨਫ਼ੀ 30 ਜਾਂ ਇਸ ਤੋਂ ਘੱਟ ਹੋਣਾ ਆਮ ਗੱਲ ਹੈ।