ਧਰਤੀ ਦਾ ਸਵਰਗ ਕਹੇ ਜਾਣ ਵਾਲੇ ਕਸ਼ਮੀਰ ਦੀ ਜ਼ਮੀਨ ‘ਤੇ ਅੱਤਵਾਦੀ ਘੁਸਪੈਠੀਆਂ ਅਤੇ ਦੇਸ਼-ਦ੍ਰੇਹੀਆਂ ਨਾਲ ਨਜਿੱਠਣ ਵਿੱਚ ਆਪਣੀ ਸ਼ਹਾਦਤ ਦੇਣ ਤੋਂ ਪਿੱਛੇ ਨਹੀਂ ਹਟਣ ਵਾਲੇ ਉਹ ਭਾਰਤੀ ਫੌਜੀ ਹੁਣ ਵੀ ਇੱਥੇ ਨਾ ਵਿਖਾਈ ਦੇਣ ਵਾਲੇ ਦੁਸ਼ਮਣ ਨਾਲ ਜੰਗ ਲੜਦੇ ਵਿਖਾਦੀ ਦੇ ਰਹੇ ਹਨ, ਜੋ ਫੌਜ ਵਿੱਚ ਆਪਣੀਆਂ ਸੇਵਾਵਾਂ ਪੂਰੀਆਂ ਕਰ ਚੁੱਕੇ ਹਨ। ਪਰੰਤੂ ਅੱਜ ਦੀ ਲੋੜ ਅਨੁਸਾਰ ਉਹ ਫਿਰ ਤੋਂ ਦੇਸ਼ ਵਾਸੀਆਂ ਦੀ ਸੇਵਾ ਵਿੱਚ ਜੁੱਟ ਗਏ ਹਨ। ਅਤੇ ਇਸ ਵਾਰ ਉਨ੍ਹਾਂ ਦੀ ਜੰਗ ਕੋਰੋਨਾ ਵਾਇਰਸ ਨਾਂਅ ਦੇ ਦੁਸ਼ਮਣ ਨਾਲ ਹੈ ਜੋ ਪੂਰੀ ਦੁਨੀਆ ਲਈ ਖਤਰਨਾਕ ਆਦਮੀਖੋਰ ਬਣਿਆ ਹੋਇਆ ਹੈ। ਦੋ ਚਾਰ ਜਾਂ ਦੋ ਦਰਜਨ ਨਹੀਂ, ਇੱਥੇ ਬਹੁਤ ਸਾਰੇ ਸਾਬਕਾ ਫੌਜੀਆਂ ਨੇ ਆਪਣੇ ਪਿਆਰਿਆਂ ਨੂੰ ਕੋਵਿਡ-19 ਦੇ ਮਹਾਮਾਰੀ ਤੋਂ ਬਚਾਉਣ ਲਈ ਕਵਾਇਦ ਸ਼ੁਰੂ ਕੀਤੀ ਹੈ, ਫੌਜ ਦੇ ਅਨੁਸਾਰ ਉਨ੍ਹਾਂ ਦੀ ਗੁਣਤੀ ਇੰਨੀ ਜ਼ਿਆਦਾ ਹੈ ਕਿ ਬਟਾਲੀਅਨ ਤੋਂ ਵੱਡੀ ਇਕਾਈ ਖੜੀ ਕੀਤੀ ਜਾ ਸਕਦੀ ਹੈ।
ਇਹ ਸਾਬਕਾ ਸੈਨਿਕ ਕੋਵਿਡ-19 ਮਹਾਂਮਾਰੀ ਨਾਲ ਲੜਨ ਲਈ ਕਸ਼ਮੀਰ ਪ੍ਰਸ਼ਾਸਨ ਨਾਲ ਮੋਢੇ ਨਾਲ ਮੋਢਾ ਜੋੜ ਕੇ ਕੰਮ ਕਰ ਰਹੇ ਹਨ। ਸ੍ਰੀਨਗਰ ਜ਼ਿਲ੍ਹਾ ਸੈਨਿਕ ਭਲਾਈ ਦੇ ਇੰਚਾਰਜ, ਰਾਸ਼ੀਦ ਵਾਰ ਦਾ ਕਹਿਣਾ ਹੈ ਕਿ ਵੱਖ-ਵੱਖ ਫੌਜਾਂ ਤੋਂ ਸੰਨਿਆਸ ਲੈ ਚੁੱਕੇ ਕੁੱਲ 1453 ਸਾਬਕਾ ਸੈਨਿਕ, ਕੋਵਿਡ-19 ਸੰਕਟ ਤੋਂ ਲੋਕਾਂ ਨੂੰ ਬਚਾਉਣ ਲਈ ਤਿਆਰ ਹਨ। ਇਨ੍ਹਾਂ ਵਿੱਚੋਂ 250 ਸਾਬਕਾ ਸੈਨਿਕ ਹਸਪਤਾਲਾਂ ਅਤੇ ਹੋਰ ਅਜਿਹੀਆਂ ਥਾਵਾਂ ’ਤੇ ਇਕੱਠੇ ਹੋਏ ਹਨ ਜਿੱਥੇ ਬਿਮਾਰਾਂ ਦਾ ਇਲਾਜ ਜਾਂ ਬਚਾਅ ਕਾਰਜ ਕੀਤਾ ਜਾ ਰਿਹਾ ਹੈ।
ਦਿਲਚਸਪ ਗੱਲ ਇਹ ਹੈ ਕਿ ਇਹ ਸਾਬਕਾ ਫੌਜੀ ਇਸ ਕੰਮ ਨੂੰ ਕਰਨ ਵਿੱਚ ਮਾਣ ਅਤੇ ਖੁਸੀ ਮਹਿਸੂਸ ਕਰ ਰਹੇ ਹਨ, ਜੋ ਕਿ ਕੋਵਿਡ-19 ਦੀ ਸੁਰੱਖਿਆ ਕਿੱਟ ਨੂੰ ਇਕੱਤਰ ਕਰਨ ਆਏ ਹੌਲਦਾਰ ਬਸ਼ੀਰ ਅਹਿਮਦ ਵਾਨੀ ਦੇ ਚਿਹਰੇ ਅਤੇ ਸ਼ਬਦਾਂ ਤੋਂ ਝਲਕਦਾ ਸੀ। ਕਸ਼ਮੀਰੀ ਮੂਲ ਦਾ ਬਸ਼ੀਰ ਅਹਿਮਦ ਵਾਨੀ ਆਰਮੀ ਮੈਡੀਕਲ ਕੋਰ ਵਿੱਚ ਇੱਕ ਹੌਲਦਾਰ ਸਨ ਅਤੇ 2017 ਵਿੱਚ ਸੇਵਾਮੁਕਤ ਹੋਏ ਸਨ ਪਰ ਉਹ ਖੁਸ਼ ਹਨ ਕਿ ਉਨ੍ਹਾਂ ਨੂੰ ਆਪਣੇ ਅਜ਼ੀਜ਼ਾਂ ਦੀ ਸੇਵਾ ਕਰਨ ਦਾ ਵਧੇਰੇ ਮੌਕਾ ਮਿਲਿਆ ਹੈ। ਸੇਵਾਮੁਕਤ ਕਾਂਸਟੇਬਲ ਬਸ਼ੀਰ ਅਹਿਮਦ ਦਾ ਕਹਿਣਾ ਹੈ ਕਿ ਜਦੋਂ ਉਨ੍ਹਾਂ ਨੂੰ ਪਤਾ ਲੱਗਿਆ ਕਿ ਉਨ੍ਹਾਂ ਨੂੰ ਕੋਵਿਡ-19 ਦੀ ਸਥਿਤੀ ਨਾਲ ਨਜਿੱਠਣ ਦੀ ਜ਼ਰੂਰਤ ਹੈ, ਤਾਂ ਉਹ ਖ਼ੁਦ ਇੱਥੇ ਇੰਚਾਰਜ ਕੋਲ ਆਏ ਅਤੇ ਆਪਣੀਆਂ ਸੇਵਾਵਾਂ ਦਿੱਤੀਆਂ।
ਭਾਰਤੀ ਪ੍ਰਸ਼ਾਸਨਿਕ ਸੇਵਾ ਦੇ ਸੀਨੀਅਰ ਅਧਿਕਾਰੀ ਅਤੇ ਕਸ਼ਮੀਰ ਡਿਵੀਜ਼ਨ ਦੇ ਕਮਿਸ਼ਨਰ ਪਾਂਡੂਰੰਗ ਕੇ ਬੋਲੇ ਨੇ ਕਿਹਾ ਕਿ ਹਰੇਕ ਜ਼ਿਲ੍ਹੇ ਵਿੱਚ 10-10 ਸਾਬਕਾ ਸੈਨਿਕਾਂ ਦੀਆਂ ਟੀਮਾਂ ਮਹਾਂਮਾਰੀ ਦੀ ਸਥਿਤੀ ਨਾਲ ਨਜਿੱਠਣ ਲਈ ਪ੍ਰਸ਼ਾਸਨਿਕ ਅਮਲੇ ਦੀ ਸਹਾਇਤਾ ਕਰ ਰਹੀਆਂ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਇਨ੍ਹਾਂ 250 ਵਿੱਚੋਂ 27 ਸਾਬਕਾ ਉਹ ਫੌਜੀ ਹਨ ਜੋ ਆਰਮੀ ਹੈਲਥ ਸਰਵਿਸ ਦੀਆਂ ਇਕਾਈਆਂ ਵਿੱਚ ਕੰਮ ਕਰਨ ਦੇ ਤਜ਼ਰਬੇਕਾਰ ਹਨ।
ਪੂਰੇ ਜੋਸ਼ ਨਾਲ ਕਸ਼ਮੀਰ ਵਿੱਚ ਕੋਵਿਡ-19 ਯੋਧਿਆਂ ਸੰਕਟ ਨਾਲ ਦੋ-ਦੋ ਹੱਥ ਕਰ ਰਹੇ ਪ੍ਰਸ਼ਾਸਨਿਕ ਅਮਲੇ ਦੀ ਸਹਾਇਤ ਵਿੱਚ ਮੁਸਤੈਦੀ ਨਾਲ ਲੱਗੇ ਇਨ੍ਹਾਂ ਚਿਨਾਰ ਵਲੰਟੀਅਰਸ ਦਾ ਨਾਅਰਾ ਹੈ- Re- attiring & not retiring ਭਾਵ ਉਹ ਰਿਟਾਇਰ ਨਹੀਂ ਹੋਏ, ਬਸ ਉਨ੍ਹਾਂ ਪਹਿਰਾਵਾ ਬਦਲਿਆ ਹੈ।
